ავარია მოხდა ცოტა ხნის წინ გორში. შინდისის გზატკეცილზე ერთმანეთს ორი მსუბუქი ავტომობილი შეეჯახა. დაშავდა ორი ადამიანი, მათ შორის ერთი არასრულწლოვანია. მძიმე დაზიანებებით ისინი კლინიკა “გორმედში” შეიყვანეს, მათ გადაუდებელი სამედიცინო დახმარება ამ წუთებში უტარდებათ. შემთხვევის ადგილზე ექსპერტ-კრიმინალისტები მუშაობენ. მომხდარზე გამოძიება შინაგან საქმეთა სამინისტრომ დაიწყო. ნიუპოსტი
დღეს ახალციხე-ადიგენის გზაზე ავტოსაგზაო შემთხვევის შედეგად ორი ახალგაზრდა დაიღუპა, ერთი დაშავდა. დაშავებული, 24 წლის კაცი თბილისში გადაიყვანეს. „დაშავებულს ხერხემალი აქვს დაზიანებული და თბილისში გავწერეთ“, – უთხრეს სამხრეთის კარიბჭეს ახალციხის რეფერალურ ჰოსპიტალში. ფაქტზე გამოძიება სისხლის სამართლის კოდექსის 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ადამიანის სიცოცხლის მოსპობა […]
აჭარაში ხანძრის შედეგად 7 სახლი დაიწვა. შემთხვევა გვიან ღამით ხულოში, სოფელ მეხალაშვილებში მოხდა. დამწვარია 5 დამხმარე ნაგებობაც. შემთხვევის შედეგად არავინ დაშავებულა. სამედიცინო ბრიგადამ ადგილზე დახმარება ერთ პირს გაუწია. ხანძრის გამომწვევი მიზეზად გაუმართავი ელექტროსადენები სახელდება.
დედოფლისწყაროს მუნიციპალიტეტის სოფელ გამარჯვებაში ავარიას 16 წლის მოზარდი ემსხვერპლა. ადგილობრივების ინფორმაციით, მოპედს, რომელსაც არასრულწლოვანი მართავდა, მსუბუქი მანქანა შეეჯახა, მძღოლი ადგილიდან მიიმალა. მოზარდი საავადმყოფოში მიყვანისთანავე გარდაიცვალა, მეორე დაშავებული კი საავადმყოფოში რჩება. შინაგან საქმეთა სამინისტროს ინფორმაციით, მომხდარზე გამოძიება 276-ე მუხლითა მიმდინარეობს. ნიუპოსტი
რუსთავში ბუნებრივი აირის ნამწვით 6 ადამიანი მოიწამლა, აქედან 4 მცირეწლოვანია. შემთხვევა ჩოხელის ქუჩაზე მოხდა, ადგილზე მობილიზებული იყო სასწრაფო სამედიცინო დახმარების ეკიპაჟები. პაციენტები “კლინიკა რუსთავში” გადაიყვანეს, “ინფო რუსთავი”-ს ინფორმაციით მათი ჯანმრთელობის მდგომარეობა სტაბილურია.
ქუთაისის შემოვლით გზაზე, წუხელ გვიან ღამით, კომპანია “მეტროს” ბათუმი-თბილისის სამგზავრო ავტობუსი დაიწვა. შემთხვევის დროს ავტობუსში 50-მდე მგზავრი იმყოფებოდა. საგანგებო სიტუაციების მართვის სამსახურის ინფორმაციით, ცეცხლის ლიკვიდაცია მალე მოხდა. უწყების ცნობით, ხანძრის შედეგად არავინ დაშავებულა. ფაქტზე შინაგან საქმეთა სამინისტრომ გამოძიება, 187-ე მუხლის მეორე ნაწილი დაიწყო. რუსთავი 2
თბილისში, ჩუბინაშვილის ქუჩის კვეთაზე 129 ნომერი სამარშრუტო ტაქსს მსუბუქი ავტომობილი დაეჯახა. შემთხვევის შედეგად, დაშავდა 3 ადამიანი, რომლებიც ალადაშვილის კლინიკაში არიან გადაყვანილი. ექიმების თქმით, 2 დაშავებულის მდგომარეობა მძიმეა. მომხდართან დაკავშირებით დაწყებულია გამოძიება. ნიუპოსტი
თბილისში, დადიანის გამზირზე მომხდარი ავარიის შედეგად დაღუპული ახალგაზრდა ქალი საინფორმაციო სააგენტო „ინტერპრესნიუსის“ თანამშრომელია. შორენა ყასუმაშვილი სააგენტოში სტილისტ-კორექტორის პოზიციაზე მუშაობდა. ავარიის შედეგად დაიღუპა მისი მეუღლეც. „ინტერპრესნიუსი“ მომხდარის გამო მწუხარებას გამოთქვამს და დაღუპულების ოჯახს სამძიმარს უცხადებს. შეგახსენებთ, რომ თბილისში, დადიანის გამზირზე ავტოსაგზაო შემთხვევა, რასაც ორი ადამიანი ემსხვერპლა, გუშინ ღამით მოხდა. ერთმანეთს სამი ავტომობილი შეეჯახა. ავარიის შედეგად დაშავდა ასევე […]
ორი ადამიანი გარდაიცვალა და სამი მძიმედ დაშავდა თბილისში, დადიანის ქუჩაზე მომხდარი ავტოსაგზაო შემთხვევის შედეგად. თვითმხილველების თქმით, ერთმანეთს სამი მანქანა შეეჯახა. დაშავებულები ამ წუთებში სასწრაფო დახმარების ჯგუფებს საავადმყოფოში გადაჰყავთ. ადგილზე მობილიზებულია საპატრულო პოლიცია. მომხდარზე გამოძიება 276-ე მუხლით დაიწყო. რუსთავი 2
თბილისში, უნივერსიტეტის ქუჩაზე ავტოსაგზაო შემთხვევას ერთი ადამიანის სიცოცხლე ემსხვერპლა, მეორე კი სხეულის დაზიანებით საავადმყოფოში გადაიყვანეს. შემთხვევა ცოტა ხნის წინ მოხდა. არსებული ინფორმაციით, მიკროავტობუსი გარე განათების ბოძს დაეჯახა, რის შედეგად ტრანსპორტი ამოტრიალდა. მძღოლი ადგილზე დაიღუპა. ხოლო მისი მგზავრი დაშავდა. როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება სსკ-ის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების […]