ყვარლის გზაზე მომხდარი ავარიის დროს მანქანა მდინარეში გადავარდა. თვითმხილველების ინფორმაციით, სწრაფად მოძრავი მსუბუქი ავტომანქანის მძღოლმა საჭე ვერ დაიმორჩილა, ბეტონის ჯებირს დაეჯახა და რამდენიმე მეტრის სიმაღლიდან გადავარდა. შედეგად, მსუბუქად დაშავდა მძღოლი და ასევე ქვეითი, რომელსაც მანქანა მდინარეში გადავარდნამდე დაეჯახა. მომხდარზე დაწყებულია გამოძიება.
ოზურგეთის მუნიციპალიტეტის დაბა ლაითურში, სადაც იუსტიციის სამინისტროს დაკვეთით ციხის მშენებლობა მიმდინარეობს, 42 წლის მამაკაცი გარდაიცვალა. პირველების ინფორმაციით, მამაკაცს სამშენებელო მოედანზე სატვირთო ავტომობილი დაეჯახა. დაშავებული მუშა ადგილზევე გარდაიცვალა. ლაითურში ციხის მშენებლობას კომპანია ,,ანაგი” აწარმოებს. ,,ანაგის” პროექტების მენეჯერი ტვ პირველთან ამბობს, რომ ტრაგედიის დეტალებზე გამოძიების დასრულებამდე ვერ ისაუბრებს: მოხდა უბედური შემთხვევა და დეტალებს გამოძიება დაადგენს. მხოლოდ ამის შემდეგ შემეძლება […]
თბილისში, ყაზბეგის გამზირზე, მანქანას ცეცხლი გაუჩნდა. ფაქტს “ტვ.პირველის” ჟურნალისტი შეესწრო. შემთხვევის შედეგად არავინ დაშავებულა. ადგილზე სამაშველო სამსახურია მობილიზებული. ტვ პირველი
თბილისში, თამარ მეფის ხიდთან, გზაზე გაჩერებულ ავტომანქანას ხე დაეცა – შემთხვევის შედეგად არავინ დაშავებულა. ადგილზე იმყოფება შს სამინისტროსა და სასწრაფო-სამედიცინო სამსახურის ბრიგადები.
“ტვ. პირველის” ინფორმაციით, ქუთაისში, სახელმწიფო კლინიკის მეხუთე სართულიდან 64 წლის პაციენტი გადმოხტა. მამაკაცი ადგილზე გარდაიცვალა. ჩხობაძის სახელობის კლინიკაში პოლიციაა მობილიზებული. არსებული ინფორმაციით, პაციენტი კორონავირუსით ინფიცირებული იყო და კლინიკაში შვილთან ერთად, 5 დღის განმავლობაში მკურნალობდა. კლინიკის მენეჯერი ამბობს, რომ მამაკაცს ფსიქიკური პრობლემები არ აღენიშნებოდა. მომხდარზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
ლაგოდეხში ტრაილერი მსუბუქ ავტომობილს შეეჯახა, გარდაიცვალა ერთი ადამიანი. შემთხვევა სოფელ აფენში მოხდა. შემთხვევის შედეგად დაშავებული სამი ადამიანი „არქიმედეს“ კლინიკაშია მოთავსებული. ადგილზე პოლიცია და სამაშველო ჯგუფები მუშაობდნენ. მომხდარის მიზეზებს გამოძიება დაადგენს.
ზესტაფონში მომხდარ შემთხვევას 17 წლის ახალგაზრდა ემსხვერპლა. მას მატარებელი დაეჯახა, რის შედეგად ადგილზე გარდაიცვალა. შემთხვევა ზესტაფონის მუნიციპალიტეტის სოფელ აჯამეთში მოხდა. გარდაცვლილი ახალგაზრდა ირაკლი თოფაძეა. იგი აჯამეთში ცხოვრობდა და შემთხვევა იმ დროს მოხდა, როდესაც მასწავლებლიდან ბრუნდებოდა. “ჭოგნარიდან მოდიოდა. კლასელებთან ერთად იყო. ყურსასმენები ეკეთა და მატარებლის ხმა ვერ გაუგია. კლასელები უკან მოყვებოდნენ და მატარებელი რომ დაუნახავთ, ქვებს […]
ზესტაფონში მოზარდს მატარებელი დაეჯახა. თვითმხილველების თქმით, არასრულწლოვანი ადგილზე გარდაიცვალა. არსებული ინფორმაციით, შემთხვევა ზესტაფონის მუნიციპალიტეტის სოფელ აჯამეთში მოხდა. დეტალები ამ დროისთვის უცნობია. შემთხვევის ადგილზე სამართალდამცველები იმყოფებიან. შინაგან საქმეთა სამინისტროს ინფორმაციით, საქმეზე გამოძიება სისხლის სამართლის კოდექსის 275-ე მუხლის მე-4 ნაწილით დაიწყო, რაც რკინიგზის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ჩოხატაურში ერთმანეთს 2 მანქანა შეეჯახა. ავარიის შედეგად 5 ადამიანი დაშავდა. ისინი კლინიკაში გადაიყვანეს. შსს-მ მოხდარზე გამოძიება დაიწყო. გურია ნიუსი
სავარაუდოდ, ბუნებრივი აირით ინტოქსიკაციით, ხაშურის მუნიციპალიტეტში, დაბა სურამში ცოლ-ქმარი გარდაიცვალა. გარდაცვლილთა ცხედრები სახლში ნათესავმა აღმოაჩინა. მეზობლების ინფორმაციით, ოთახში, სადაც ცოლ-ქმარი იმყოფებოდა, გაზის გამათბობელია დამონტაჟებული. მომხდარ ფაქტზე მიმდინარეობს საგამოძიებო მოქმედებები.