კიევში ორი დღით კომენდანტის საათი გამოცხადდა – ქალაქის მოსახლეობას დღეს 20:00 საათიდან სახლისა და თავშესაფრის დატოვება ეკრძალება. კიევის მერის ვიტალი კლიჩკოს განცხადებით, ქალაქში გადაადგილება სპეციალური საშვის გარეშე შეუძლებელი იქნება: „ვთხოვ ყველა კიეველს მოემზადოს იმისთვის, რომ ორი დღე მოუწევს სახლში ყოფნა ან განგაშის შემთხვევაში – თავშესაფარში“, – ამბობს ვიტალი კლიჩკო.

რუსმა ოკუპანტებმა კიევში საავიაციო ქარხანა „ანტონოვი” დაბომბეს. ოკუპანტებმა 3 რაკეტა ისროლეს. ქარხანაში ხანძარია. ჭურვები მოხვდა მაღალსართულიან საცხოვრებელ სახლსაც. წინასწარი მონაცემებით, დაღუპულია 2 ადამიანი, დაშავებულია – 7.

კიევში ბომბი 9 სართულიან კორპუსს დაეცა. ობოლონის რაიონში ავიაიერიშს 2 ადამიანი ემსხვერპლა, დაშავდა  – 12. ინფორმაციას უკრაინული მედია ავრცელებს. შემთხვევის შედეგად ჩამოინგრა კორპუსის სამი სართული. მაშველებმა ნანგრევებიდან 17 ადამიანი ამოიყვანეს. სამძებრო სამუშაოები ადგილზე ამ დრომდე მიმდინარეობს. უკრაინული მედიის ცნობით, დაიბომბა “ანტონოვის” ქარხანაც.