თბილისში, იუსტიციის სახლთან სამი ავტომობილი დაეჯახა ერთმანეთს. ადგილზე სასწრაფო დახმარების ბრიგადა და პოლიციაა.
როგორც imedinews-ს შსს-ში უთხრეს, ავტოსაგზაო შემთხვევის შედეგად ორი ადამიანი დაშავდა. სასწრაფო დახმარების ექიმები დაშავებულებს საავადმყოფოში გადასაყვანად ამზადებენ.
სანაპიროზე ავტომობილები შეფერხებით გადაადგილდებიან.
გამოძიება სსკ-ის 276-ე მუხლით დაიწყო, რაც ტრანსპორტის ექსპლუატაციის წესების დარღვევას გულისხმობს.
იმედინიუსი