მიხეილ გიორგაძე ყვარელთან ავარიაში მოჰყვა – მას 12 ნეკნი აქვს ჩამტვრეული, მდგომარეობა მძიმეა, მაგრამ სტაბილური

მიხეილ გიორგაძე ყვარელთან ავარიაში მოჰყვა - მას 12 ნეკნი აქვს ჩამტვრეული, მდგომარეობა მძიმეა, მაგრამ სტაბილურიკულტურის ყოფილი მინისტრი მიხეილ გიორგაძე ავარიაში მოჰყვა.

12 მოტეხილი ნეკნით, მიხეილ გიორგაძე ინგოროყვას კლინიკაშია მოთავსებული.

შემთხვევა გვიან ღამით, ყვარელთან მოხდა.

„პაციენტი შემოსულია დღეს გამთენიისას ჩვენს კლინიკაში. იმყოფებოდა მართვით სუნთქვაზე. მიღებული აქვს სხეულის მრავლობითი დაზიანებები ავტოსაგზაო შემთხვევის შედეგად. ამ წუთებში რეანიმაციულ განყოფილებაშია პაციენტი. ჩატარებული კვლევებით დიაგნოსტირებულია თავის ტვინის დაჟეჟილობის სურათი. ასევე გულ-მკერდის დახურული ტრავმა ნეკნების მრავლობითი მოტეხილობით და ფილტვის ქსოვილის დაჟეჟილობით და მენჯის ძვლების მოტეხილობა. ზოგადი მდგომარეობა მძიმეა, მაგრამ ამ ეტაპზე სტაბილური,“ – განაცხადა მაღალი სამედიცინო ტექნოლოგიების ცენტრის გადაუდებელი დახმარების დეპარტამენტის ხელმძღვანელმა გიორგი გაფრინდაშვილმა.

შინაგან საქმეთა სამინისტრომ მომხდარზე გამოძიება სსკ-ის 276-ე მუხლის პირველი ნაწილით დაიწყო. უწყების ცნობით, დანიშნულია ყველა შესაბამისი ექსპერტიზა.