დღეიდან ციანიდის საქმეზე საპატრიარქო შეფასებებს აღარ გააკეთებს

ციანიდის საქმესთან დაკავშირებით საპატრიარქოს ოფიციალური პირები შეფასებებს და კომენტარებს აღარ გააკეთებენ. ამის შესახებ „ინტერპრესნიუსს“ პატრიარქის მდივანმა, დეკანოზმა მიქაელ ბოტკოველმა გაუცხადა.
– პატრიარქის ადმინისტრაციაში შევთანხმდით, რომ დღეიდან ციანიდის საქმესთან დაკავშირებით საპატრიარქოს ოფიციალური პირები შეფასებებს, კომენტარებს და მითუმეტეს ბრიფინგებს აღარ გავაკეთებთ. მოთმინებით დაველოდებით და თვალს მივადევნებთ სასამართლო სხდომებს, – განაცხადა პატრიარქის მდივანმა.