ისრაელში საქართველოს მოქალაქეები დროებით დასაქმებას შეძლებენ.
ამის შესახებ საქართველოს პრეზიდენტმა სალომე ზურაბიშვილმა ფეისბუქში დაწერა:
“ისრაელში საქართველოს მოქალაქეები დროებით დასაქმებას შეძლებენ – მივესალმები ამ შეთანხმებას და მადლობელი ვარ, რომ მიუხედავად კორონავირუსის პანდემიისა, პროცესი დროულად დასრულდა.
ისრაელში პრეზიდენტ რივლინთან შეხვედრისას ვისაუბრე სწორედ ამ დოკუმენტის გაფორმების მნიშვნელობაზე. მოხარული ვარ, რომ ხელი მოეწერა ძალიან სასარგებლო შეთანხმებას.”