რეჟისორი ქეთი დოლიძე იმ ემიგრანტებს არ აფასებს, ვინც სააკაშვილის მხარდამჭერია და მათ ნორმალურ მოქალაქეებად არ მიიჩნევს:
“არ მომკლა ამ ემიგრანტებთან ბოდიშების მოხდამ? 20 წლის წინ იყო მსგავსი შემოტევა და ახლა თავიდან დაიწყეს. ვინც 9 წლის უბედურების, მკვლელობების და ბავშვების ხოცვის მერე, ისევ სააკაშვილის მხარდამჭერია, მე ნორმალურ ადამიანად არ მიმაჩნია.
მე განწყობილი ვარ პატივისცემით იმ ემიგრანტების მიმართ, ვინც სამშობლოს ფასი იცის. ის ადამიანები, ვინც მიშა სააკაშვილს უჭერს დღესაც მხარს, რატომ არ დაბრუნდნენ საქართველოში თუ ასეთი აყვავებული იყო ქვეყანა იმ 9 წელში?
ასეთი ემიგრანტები იქ იყვნენ მიშასთან ერთად, სადაც არიან. მიშისტ ემიგრანტებთან ბოდიშების მოხდა არც მაინტერესებს.
დიდი ასოებით დაწერეთ. საქართველოს კეთილისმსურველად არ მიმაჩნია ადამიანი ვინც სააკაშვილს უჭერს მხარს. მე მაინტერესებს ნორმალურად მოაზროვნე ემიგრანტების აზრი. გვარებს დავწერ კიდევ თუ ბევრს გააგრძელებენ.” – განუცხადა “პრაიმამბებს” ქეთი დოლიძემ.