ეკონომიკის ყოფილი მინისტრს კახა ბენდუქიძეს გარდაცვალებიდან 6 წლის თავზე შვილიშვილი შეეძინა. ანასტასია ბენდუქიძე ბიჭის დედა გახდა. ამის შესახებ მან სოციალურ ქსელში დაწერა.
“უკვე 6 წელია 13 ნოემბერი ჩემთვის ყველაზე საშინელი დღეა. ეს იყო დღე, რომელიც გულწრფელად მძულდა. ეს იყო დღე, როდესაც კახა ბენდუქიძე გარდაიცვალა და მე სამუდამოდ დავკარგე ჩემი გულის ნაწილი. როდესაც ექიმებმა მითხრეს, რომ ბავშვის დაბადების ბოლო ვადა 13 ნოემბერი იყო, ვიფიქრე, რომ ბედი სასაცილო რამაა…
მაგრამ ჩემმა ვაჟმა თავად აირჩია დაბადების დღე და გადაწყვიტა, რომ სამყაროს მოვლენოდა 3,5 საათით ადრე. ასე რომ 2020 წლის 12 ნოემბერს, თბილისის დროით 20:30 საათზე ალექსანდრე მხეიძე დაიბადა, 3,7 კგ და 51 სმ“ – წერს ანასტასია ბენდუქიძე.
როგორც ანასტასია აღნიშნავს, ახალშობილიც და თავადაც თავს კარგად გრძნობენ. ის მადლობას უხდის ქმარს და აღნიშნავს, რომ მეუღლე მშობიარობის დროს მის გვერდით იყო და მხარს უჭერდა.
“მადლობა ჩემს შესანიშნავ ქმარს, რომელიც მხარს მიჭერდა. მე არ შემეძლო ცხოვრებაში მასზე უკეთესი პარტნიორი მეთხოვა. მე შეიძლება 2014 წლის 13 ნოემბერს ჩემი გულის ნაწილი დავკარგე, მაგრამ 6 წლის შემდეგ ჩემი გული აივსო სიყვარულითა და სიხარულით. მე დარწმუნებული ვარ, რომ კახა ბენდუქიძე გვიყურებს და უღიმის თავის შვილიშვილს თავისი ცნობილი ულვაშებში ჩაღიმებით“ – წერს ანასტასია ბენდუქიძე.
ამბები