საქართველოში სკანდალური ვიზიტის შემდეგ, “რუსთავი 2-მა” რუს შოუმენთან, ვლადიმერ პოზნერთან, ექსკლუზიური ინტერვიუ ჩაწერა.
ინტერვიუს უცვლელად გთავაზობთ:
– თუ მეკითხებით ჩემი საქართველოში ვიზიტის თაობაზე, 3 დღის წინ უკვე დავწერე კიდეც, რომ ამ საკითხთან დაკავშირებით კომენტარებს და ინტერვიუებს არ ვაკეთებ.
– რატომ, ნაწყენი ხართ?
– ნაწყენი არ ვარ, უბრალოდ უკვე ავხსენი, თუ რატომ არ მსურდა ამის გაკეთება. თუ ჩემი განცხადება წაიკითხეთ, თქვენ ეს უნდა გესმოდეთ, თუ არ წაგიკითხავთ, შეგიძლიათ გაეცნოთ ჩემს საიტზე.
– ამ დრომდე განხილვის საკითხია თქვენი დამოკიდებულება საქართველოს ტერიტორიული მთლიანობისადმი. ვიმეორებ კითხვას – აფხაზეთი საქართველოა?!
– რაც შეეხება თქვენს შეკითხვას იმაზე აფხაზეთი, თუ საქართველოა, პირველ რიგში ეს განცხადება სამი წლის წინ გავაკეთე, არ მესმის, ამას რატომ მიუბრუნდნენ. ვფიქრობ, ამის მიზეზი საქართველოში არსებული შიდა პოლიტიკურ ბრძოლაა.
– თქვენ ამბოთბ, რომ ეს იყო სამი წლის წინ, ამიტომ საინტერესოა თქვენი აზრი ახლა, ყველას აინტერესებს – აფხაზეთი საქართველოა?
– მე მესმის, რომ ყველას აინტერესებს ამ საკითხზე ჩემი პოზიცია, თუმცა მე არ მაინტერესებს ამაზე საუბარი. პატივს ვცემ თქვენს დაჟინებას, თუმცა უნდა დაგემშვიდობოთ.
– აფხაზეთი საქართველოა?!
– რა, გინდათ ყურმილი გაგითიშოთ? მე გითხარით, რომ არ ვაპირებ ამ საკითხსი განხილვას.
– როგორ გაიგებს თქვენს დამოკიდებულებას ქართველი ხალხი?
– გასაგებად არ ვსაუბრობ?! არ ვაპირებ საკითხის განხილვას!