მსახიობი ბესო ზანგური ყოფილი მეუღლის, ნინუცა მაყაშვილის, ბრალდებებზე კომენტარს აკეთებს.
ნინუცა მაყაშვილმა გადაცემა “ფარულ კონვერტში” განაცხადა, რომ თანაცხოვრების დროს ბესო ზანგური მას ხშირად ცემდა.
“ვემიჯნები ყველანაირად ძალადობას და ვემიჯნებოდი ყოველთვის. ეს ისეთი ამაზრზენი ტყუილია, რომელსაც 5.000 ლარზეც კი ადამიანი არ უნდა ამბობდეს,” – უთხრა მსახიობმა რუსთავი 2-ს.
ის სიცრუეს უწოდებს ყოფილი ცოლის ბრალდებას, რომ მას ორსულობის პერიოდშიც სცემდა.
კითხვაზე კი, რა გახდა განქორწინების მიზეზი, მსახიობი პასუხობს:
“არაფერი. უბრალოდ, აი ასე მოხდა…”
ბესო ზანგურმა კომენტარი “ნეტგაზეთთანაც” გააკეთა.
“ამ ყველაფერში იჭყლიტება ბავშვი, რომელიც ჩემი შვილია. რომ გადავხედოთ ჩემი ცხოვრების რიტმსა და წესს, თითით საჩვენებელი მამა ვარ და მეუღლე. რამენაირად გამოვავლენდი სხვაგანაც ამ მოძალადე სახეს რომ ვიყო”, – განაცხადა ბესო ზანგურმა.
თუ მის შვილებზე ამგვარი “ფსიქოლოგიური ზეწოლა გაგრძელდა”, ზანგური არ გამორიცხავს, სასამართლოს მიმართოს სარჩელით.