დმანისში შს მინისტრი, ვახტანგ გომელაური ჩავიდა.
მისი თქმით, დმანისში მომხდარ დაპირისპირებაზე გამოძიება დაწყებულია, თუმცა დაკავებულების შესახებ ინფორმაციას ვერ ადასტურებს. გომელაურის თქმით, არსებული ვითარება არ უნდა გადაიზარდოს ეთნიკურ დაპირისპირებაში.
– ჩვენი ძმები არიან ყველა, ამას არ დავუშვებთ. არ უნდა გადაიზარდოს ეთნიკურ დაპირისპირებაში, – თქვა ვახტანგ გომელაურმა.
გომელაურის თქმით, ადგილზე კონფლიქტის ესკალაცია სწრაფად მოხდა და დროული რეაგირება ამიტომ ვერ მოხერხდა.