რუსეთში, ბურიატიაში, ბაიკალ-ამურის სარკინიგზო მაგისტრალის მონაკვეთზე ერთ დღეში მეორე სატვირთო მატარებელი ააფეთქეს. აფეთქება სევერომუის გვირაბის შემოვლით გზაზე მოხდა. იქამდე კი რუსების საწვავით დატვირთული ეშელონი გვირაბში ააფეთქეს.
მეორე მატარებლის აფეთქების შესახებ ინფორმაციას რამდენიმე მედიასაშუალება ავრცელებს.
აფეთქდა საწვავის ავზები, რომლებიც მატარებლით გადაჰქონდათ, გავრცელებული ინფორმაციით, არავინ დაშავებულა.
უკრაინული მასმედია უშიშროების ძალებიდან წყაროზე დაყრდნობით იუწყება, რომ მეორე მატარებელი შემოვლით ხიდზე ააფეთქეს.