„ქართული ოცნების” ყრილობა პირველ თებერვალს გაიმართება, ამის შესახებ ირაკლი ღარიბაშვილმა დღეს გამართულ ბრიფინგზე განაცხადა.
პრემიერ-მინისტრ ირაკლი ღარიბაშვილის ღარიბაშვილის თქმით, პოლიტსაბჭოსგან მიიღო შეთავაზება, დაიკავოს პარტიის თავმჯდომარის თანამდებობა, რასთან დაკავშირებითაც ყრილობა 1 თებერვალს გაიმართება.
მისი განმარტებით, ახლა მნიშვნელოვანია, რომ შემდეგმა პრემიერმა დროულად წარადგინოს თავის გუნდი და ჩამოაყალიბოს ახალი მთავრობა. ამის შესახებ ირაკლი ღარიბაშვილმა აღნიშნული საკადრო ცვლილების შესახებ ოფიციალური განცხადების გაკეთების დროს ისაუბრა. საგანგებო ბრიფინგი მან ცოტა ხნის წინ გამართა.
„ამ პოლიტიკური რეალობიდან გამომდინარე, პოლიტიკური საბჭოსგან მივიღე შეთავაზება დავიკავო პარტიის თავმჯდომარის თანამდებობა და ამასთან დაკავშირებით ყრილობა გაიმართება 1 თებერვალს. არ დაგიმალავთ, რომ პოლიტიკურ საბჭოში განვიხილეთ შესაძლებლობაც, რომ თანამდებობაზე ზაფხულშიც, საარჩევნო კამპანიის დაწყებამდე დავრჩენილიყავი, თუმცა ვარჩიე ახლა მიმეღო ეს გადაწყვეტილება. მნიშვნელოვანია, რომ შემდეგმა პრემიერმა დროულად წარადგინოს თავის გუნდი და ჩამოაყალიბოს ახალი მთავრობა. მე წარმატებებს ვუსურვებ ახალ პრემიერ-მინისტრს”, – განაცხადა ირაკლი ღარიბაშვილმა.