აქციაზე დაკავებულ 100-მდე პირს პატიმრობა შეეფარდა. ფაქტი გააპროტესტა იუსტიციის საბჭოს არამოსამართლე წევრმა ანა დოლიძემ. “ციხეში უშვებენ და არც უცხადებ სახელს და გვარს? გახარიას შნირი, უბედური პატრული ზის აქ და იმეორებს შაბლონურ ტექსტს” – თქვა მან. https://www.facebook.com/rustavi2/videos/306799093561211/
რუსთაველის გამზირზე შს მინისტრის გადადგომას ითხოვენ. აქციაზე გამომსვლელების თქმით, ისინი გახარიას სამ საათს აძლევენ, რომ გადადგეს, წინააღმდეგ შემთხვევაში, საქართველოს მასშტაბით საპროტესტო აქციებს აანონსებენ. აქციაზე გამომსვლელებმა დღევანდელ შეკრებას ” ახალგაზრდული რევულუცია” უწოდეს, რასაც აქციის მონაწილეების მხრიდან ოვაციები მოჰყვა. აქციის მონაწილეების მიერ რუსთაველის გამზირი ამ დროისთვის გადაკეტილია. ტერიტორიაზე სამართალდამცველები არიან მობილიზებული. იპნ
შინაგან საქმეთა მინისტრის გადადგომის მოთხოვნით ქუთაისში აქცია მიმდინარეობს. მოქალაქეები თბილისში განვითარებულ მოვლენებს აპროტესტებენ. მესხიშვილის თეატრთან შეკრებილების განცხადებით, მომხდარზე ხელისუფლებამ პასუხისმგებლობა უნდა აიღოს. “ვაპროტესტებთ რუსულ ოკუპაციას, ასევე ვაპროტესტებთ ხელისუფლების დანაშაულებრივ ქმედებებს. ვერ ავიტანთ რუსულ ოკუპაციას და მოქალაქეების დარბევას, მოვითხოვთ, ხელისუფლებამ პასუხი აგოს გუშინ განვითარებულ მოვლენებზე. გადადგეს შინაგან საქმეთა მინისტრი, რომელიც პირადად არის პასუხისმგებელი მომხდარზე”, -განაცხადეს აქციის […]
ირაკლი ოქრუაშვილი პოლიციის სამმართველოში გამოკითხვაზე დაიბარეს. სავარაუდოდ, ოქრუაშვილთან სამართალდამცავ უწყებას კითხვები გუშინდელ აქციასთან დაკავშირებით აქვთ. პოლიტიკოსი ამბობს, რომ ის გამოკითხვაზე მისვლას არ აპირებს და რამდენიმე წუთში პარლამენტის წინ დაანონსებულ აქციაზე მივა.
თბილისის სახელმწიფო უნივერსიტეტის პირველი კორპუსის ეზოში სტუდენტები იკრიბებიან. როგორც სტუდენტმა ქეთევან კოკაიამ”ინტერპრესნიუსთან” საუბარში განაცხადა, მათი შეკრების მთავარი მიზანია, ხელისუფლებას დაანახონ, რა შეუძლია სტუდენტობას მაშინ, როცა ქვეყნის სათავეში მყოფი პირები უსამართლობებს ჩადიან. სტუდენტები გუშინ პარლამენტის წინ განვითარებულ მოვლენებს და რუსი დეპუტატის პარლამენტში სიტყვით გამოსვლას აპროტესტებენ. „აქ შეკრებით, გვინდა დავანახოთ ხელისუფლებას, თუ რა შეგვიძლია, როდესაც ჩვენს წინააღმდეგ […]
რა თქმა უნდა, უმკაცრესად იქნება დასჯილი ყველა ის ადამიანი, ვინც საკუთარი მოწოდებით, გააზრებით თუ გაუაზრებლად შეძლო და პროვოკაცია მოაწყო, პოლიცია და მოქალაქეები ერთმანეთს ისეთ დონეზე დააპირისპირა, რომ ამან შტურმის სახე მიიღო, – ამის შესახებ ჟურნალისტებს შს მინისტრმა გიორგი გახარიამ განუცხადა. გახარიას შეფასებით, გუშინ პოლიცია თავდაცვით მდგომარეობაში იყო და იცავდა საკუთარ თავს. ამასთან, მედიის კითხვის პასუხად […]
“რუსთავი 2”-ის გენერალური დირექტორის ნიკა გვარმიას ინფორმაციით, გაცემულია ბრძანება დააკავონ ოპოზიციის ლიდერები: ნიკა მელია, გიგი უგულავა და ირაკლი ოქრუაშვილი. მისი თქმით, ამასთან 20.000.000 ლარია გამოყოფილი, რომ ოპოზიციას კონტრაქციები მოუწყონ გარკვეულმა ჯგუფებმა. გვარამიას განცხადებით, ინფორმაცია სამთავრობო წრეებიდან მიიღო.
„მოგიწოდებთ ყველას, დღეს 7 საათზე შევიკრიბოთ რუსთაველზე, რათა ივანიშვილს დავანახოთ, რომ ეს ქვეყანა მისი პრივატიზებული არ არის. მადლობას ვუხდი ჩვენს გულანთებულ ახალგაზრდებს, რომლებიც მთელი ღამის განმავლობაში ჩვენს გვერდით იდგნენ. მოგიწოდებთ, დღეს ქუდზე კაცი გამოვიდეს“, – განაცხადა „კურიერის“ ეთერში „გამარჯვებული საქართველოს“ ლიდერმა ირაკლი ოქრუაშვილმა.
„არ იქნება სწორი პარლამენტის თავმჯდომარე გადადგეს და მე დავრჩე თანამდებობაზე. პარლამენტში თანამდებობა არ მაქვს, მაქვს მხოლოდ დეპუტატის მანდატი და ვტოვებ“, – განაცხადა ზაქარია ქუცნაშვილმა. მან თავის ამომრჩეველს ბოდიში მოუხადა.
ირაკლი კობახიძე გადადგა. მის შემცვლელად არჩილ თალაკვაძე დასახელდა, – განაცხადა მამუკა მდინარაძემ. „ვადასტურებ, რომ ამ საკითხზე იყო კონსულტაციები, – განაცხადა არჩილ თალაკვაძემ.