ლაგოდეხში ჭუმბურიძეების საცხოვრებელი სახლი დაიწვა. შემთხვევა დუმბაძის ქუჩაზე მოხდა. ხანძრის შედეგად არავინ დაშავებულა. თუმცა, განადგურდა საყოფაცხოვრებო ნივთები და ტექნიკა. აალების მიზეზი, სავარაუდოდ, გაუმართავი ელექტროსადენები გახდა. ადგილზე მობილიზებული იყო საგანგებო სიტუაციების მართვის ლაგოდეხის სამსახურის სახანძრო ბრიგადები. ხანძრის ლიკვიდაცია დროზე მოხერხდა. მთავარი
ფოთში, კოსტავას ხუთ ნომერში მდებარე ოთხ სართულიანი საცხოვრებელი კორპუსის ბოლო სართულზე ხანძარი გაჩნდა. შემთხვევის შედეგად ბინა, რომელშიც ცეცხლი გაჩნდა, სრულად დაიწვა, მის გვერდით მდებარე ბინა კი – ნაწილობრივ. წინასწარი ინფორმაციით, ხანძრის გამომწვევი მიზეზი გაზის გამათბობელი იყო. ადგილზე მეხანძრე-მაშველების ექვსი ეკიპაჟი მუშაობდა. ხანძრის შედეგად არავინ დაშავებულა. „ცეცხლი დაახლოებით დილის 5 საათზე გაჩნდა. ოჯახის წევრებმა დროულად მოახერხეს […]
უამინდობა ქობულეთში – დიდთოვლობის გამო სოფელ ლეღვაში საცხოვრებელი სახლი ჩაინგრა. შემთხვევა იმ დროს მოხდა, როცა ოჯახის ყველა წევრი, მათ შორის მცირეწლოვანი სახლში იმყოფებოდა. სახლის ჩანგრევის შედეგად არავინ დაშავებულა. ოჯახი სოციალურად დაუცველია. მათ ალტერნატიული ფართი არ გააჩნიათ და ახლა ღამეს ნათესავებთან ათევენ. როგორც ქობულეთის მერიაში აცხადებენ, მოხდება დაზარალებული ოჯახის ქირით გაყვანა და ბინით უზრუნველყოფა. რუსთავი 2
რუსთავში, ჭყონდიდელის დასახლებაში ხანძარია. შემთხვევის დროს არავინ დაშავებულა. როგორც თვითმხილველებმა განაცხადეს, ცეცხლი პირველ სართულზე ერთ-ერთ ბინაში გაჩნდა, თუმცა ხანძრის დროს იქ არავინ იმყოფებოდა. მათივე ინფორმაციით, რამდენიმე ადამიანი იყო მეორე სართულზე არსებულ ერთ-ერთ სახლში და შენობიდან მათი უვნებლად გამოყვანა მეხანძრე-მაშველებმა შეძლეს. ადგილზე მობილიზებულია სახანძრო-სამაშველო სამსახურის 3 ეკიპაჟი, ასევე სასწრაფო დახმარებისა და კრიმინალური პოლიციის ეკიპაჟები. ინფო რუსთავი
თბილისში დიღმის მასივში “ფარმადეპოს” ერთ-ერთ აფთიაქში ხანძარი და ძლიერი დაკვამლიანება იყო. ამის შესახებ ინფორმაცია “რუსთავი2-ს” საგანგებო სიტუაციების მართვის სამსახურმა დაუდასტურა. უწყების ინფორმაციით, ადგილზე მობილიზებული იყო სახანძრო სამაშველო ბრიგადა, ამ დროისთვის ხანძარი ლიკვიდირებულია. არსებული ინფორმაციით ხანძრის შედეგად არავინ დაშავებულა.
თბილისში, ნავთლუღის დასახლებაში ხანძარი იყო. ნათელა იანქოშვილის ქუჩაზე ცეცხლი ორ საცხოვრებელ სახლს გაუჩნდა. ადგილობრივების ინფორმაციით, ხანძრის შედეგად არავინ დაშავებულა. როგორც “ინტერპრესნიუსს” საგანგებო სიტუაციების მართვის სამსახურში განუცხადეს, ხანძარი ლიკვიდირებულია. იპნ
რუსთავში, შარტავას გამზირზე ავტოსაგზაო შემთხვევა მოხდა. ერთმანეთს “ჰონდას” და “მერსედესის” მარკის ავტომობილები შეეჯახა, ერთ-ერთი გზის სავალი ნაწილიდან გადავიდა, რკინის მოაჯირი შეანგრია და ბორდიურზე ავარდა. შემთხვევის შედეგად 4 ადამიანი დაშავდა, 2 თვის ბავშვი კი დაიღუპა, რომელიც ჰონდაში იჯდა. დაშავებულები სასწრაფო დახმარების ეკიპაჟმა კლინიკა “რუსთავში” გადაიყვანა. დაშავებულებს შორის არიან გარდაცვლილი ჩვილის დედა, მამა და ასევე მცირეწლოვანი ძმა, […]
ქუთაისი-სამტრედიის გზაზე ავტოსაგზაო შემთხვევა მოხდა. დაზიანებულია რამდენიმე ავტომობილი. ავტოსაგზაო შემთხვევის შედეგად დაშავდა რამდენიმე მგზავრი. არსებული ინფორმაციით, დაიღუპა 3 წლის ბავშვი. ავარიის გამომწვევი მიზეზი უცნობია. ადგილზე საპატრულო პოლიციის ეკიპაჟები და სასწრაფო სამედიცინო დახმარების ბრიგადები იყო მობილიზებული. მთავარი
ხელვაჩაურში ე.წ. ოცნების ქალაქში ორსართულიანი კორპუსის მეორე სართულზე ხანძრის შედეგად, ერთი ბინა მთლიანად დაიწვა, ხოლო მეორე დაზიანდა. როგორც მეზობლებმა ჟურნალისტებს განუცხადეს, აღნიშნულ ბინაში ხანძრის დროს არავინ იმყოფებოდა. მათივე თქმით, ხანძრის გამომწვევი მიზეზები უცნობია. შემთხვევის ადგილზე სამაშველო სამსახურის თანამშრომლები და აჭარის ჯანდაცვის სამინისტროს წარმომადგენლები მივიდნენ. იპნ
თბილისში, საახალწლო ნაძვის ხესთან რუსთაველის გამზირზე ავტოსაგზაო შემთხვევა მოხდა. არსებული ინფორმაციით, ერთმანეთს ავტომობილი და ავტობუსი შეეჯახა. დაშავებულების შესახებ ინფორმაცია ჯერჯერობით არ გავრცელებულა. პია