ლევან ვასაძემ სოციალურ ქსელში ვიდეომიმართვა გაავრცელა: “ჩემი ოცნება არის ერთადერთი, რომ ქვეყანა გავამთლიანოთ, გადავარჩინოთ, უკეთესი ადგილი გავხადოთ მშრომელი და ღირსეული ოჯახებისათვის და მერე, როცა უფალი ინებებს, იქნებ გამიშვას უფალმა ამ გზიდან. რომ ჩემ სოფელში მინდა დავსახლდე გურიაში და თავისუფლად დავდიოდე ჩემი ქვეყნის ქუჩებში. ეს არის ჩემი მიზანი”.
ეკა კვესიტაძემ ფეისბუქში დაწერა: “ეს კვესიტაძე ბევრს რომ ტლიკინებს, თვითონ აიცრა?” დიახ ავიცერი. ფაიზერი და ასტრაზენეკა მერჩივნა, მაგრამ სინოფარმიც კარგია, სამაგიეროდ, სამ-ოთხ თვეში ფაიზერის ბუსტერს გავიკეთებ.”
დათო ლიკლიკაძემ ფეისბუქში დაწერა: “გუშინ ჟურნალისტმა ვახო სანაიამ დაპოსტა რომ ლევან ვასაძის ახალ მოძრაობას იმერეთში დათო ლიკლიკაძე უხელმძღვანელებსო. თავიდან არ მივაქციე ამ უწყინარ ხუმრობას ყურადღება, მაგრამ 100-მა ადამიანმა მაინც მომწერა- „ეს რა ჩაიდინეთ ბატონო დავით, ფულის გულისთვის ნუთუ მართლა ყველაფერზე მიდიხართო“. გადავწყვიტე განცხადება გამეკეთებინა საჯაროდ, მაგრამ მერე 200-მა მომწერა- „შენ ყოფილხარ კაცი, როგორ ვცდებოდით ადრე […]
მაიკო კაჭკაჭიშვილმა ფეისბუქში დაწერა: “დღეს პირველად გავიგე, რა არის სიკვდილი!! აქამდე არასოდეს მოვხვედრილვარ ავარიაში. არც დღეს მოვხვდი რაღაც სასწაულის დამსახურებით, არადა 1%-ც არ მქონდა გადარჩენის შანსი. რედისონის გვირაბიდან მინიმუმ 130-ით გამოვარდა ჯიპი და ჩემს წინ მანქანას ისეთი სიძლიერით შეეჯახა მარტო ხმამ გამაოგნა და ვხედავ, როგორ მოფრინავს ეს მანქანა და იმასაც ვხედავ, როგორ მეცემა ზემოდან მე. […]
ია თინიკაშვილმა ფეისბუქში დაწერა: “რა 5 G და ღლიცინი, ბევრად უარესი ყოფილა! მთელი საღამოა ვაკვირდები და მგონია, რომ ჩემი რძალი ალმაცერად მიყურებს! ვაქცინამ იცის ნეტავ ჰალუცინაციები თუ მართლა რაიმეს მიპირებს? ვეღარ ვწყვეტ, დავიძინო ამაღამ თუ არ მოვდუნდე და დილამდე ვიჯდე ლოტოსის პოზაში?”
მზია ნოზაძემ ფეისბუქში დაწერა: “ავიცერი და რაღა დაგიმალოთ, არ ყოფილა მაინცდამაინც სასიამოვნო. პირველ საღამოს გამაცხელა, მომდევნო დღეებში კი მაციებდა . მობუზულად და ძალა გამოცლილად ვგრძნობდი თავს. თავიდან ჯერ მომეჩვენა რომ სახსრებში უსიამოვნო შეგრძნება დამეწყო. მერე მართლა დავაფიქსირე ტკივილების მომატება. განსაკუთრებით ცალი მხარი . ვარჯიშის დროს რომ გაგეჭიმება და თავისუფლად ვეღარ ამოძრავებ . სამი დღით ძილად […]
დათო ლიკლიკაძემ ფეისბუქში დაწერა: “რა მაგარი ქვეყანაა გერმანია. დღეს ბრანდენბურგის კარიბჭეზე ვიდეო ინსტალაციით დააწერეს: “გერმანია მადლობას უხდის ყველა იმ ქვეყანას ვინც ფაშიზმისაგან იხსნა მსოფლიოო”. რა მაგარი უნდა იყო, რომ ყოველ წელს შენი წინაპრები ამხილო, არ შეგეშინდეს ამ წარსულის, ამ ტრადიციის. და თქვა-მადლობა, ვინც დაგვამარცხეთო. მოკლედ, მთელი ცხოვრება შურს იწვევს გერმანული ერი!”
ინფორმაციას გახარიას მიერ თბილისის მერად შოთა ან აჩი არველაძის წარდგენის შესახებ შოთა არველაძე ფეისბუქში ასე გამოეხმაურა: “სულ რამდენიმე დღით ვარ თბილისში და ტაქსის მძღოლები მეკითხებიან, ვაპირებთ თუ არა ავტომანქანებზე თეთრი ფერის შეცვლას. არადა თეთრი ფერი მომწონს, მართლა მომწონს. მეც და ჩემს ძმებსაც გვაქვს საქმე, რომელსაც ათწლეულებია ვემსახურებით და ასე ვაპირებთ მომავალშიც. თანაც, პირდაპირ მერის თანამდებობაზე […]
თამარ ივერი ფეისბუქზე წერს: “ზაფხული მოდის,დღე ნელნელა იზრდება. ცხრა საათზე ჯერ ისევ დღეა.სირცხვილია ამ დროს ხალხის სახლში გამოკეტვა! 23.00-დან მაინც გადაიტანეთ”.
გიგი უგულავა ფეისბუქზე წერს: „ეს სინოფარმიც შევიშხაპუნე. ქარელის “გორმედის” კლინიკაში. მადლობა პერსონალს. აცრა სრულიად უგრძნობი. ასე რომ ავიცრათ, გავხსნათ ქვეყანა და ჩვენი ცხოვრებაც“.