ბათუმში, “ტვ პირველის” გადამღებ ჯგუფს თავს დაესხნენ – ნაცემია ოპერატორი. ინციდენტი 26 მაისი პარკის მიმდებარე ტერიტორიაზე მოხდა. ოპერატორი პირდაპირ ეთერში სტუმრად უფლებადამცველ ციალა ქათამაძეს რთავდა, როდესაც თავს დაესხნენ. თავდასხმა გამოწვეულია ჟურნალისტური საქმიანობით, აგრესიულად განწყობილი მოქალაქეების ჯგუფი ყვიროდა, რომ არ მოსწონდათ “ტვ პირველის” სარედაქციო პოლიტიკა. პირები, ვინც ოპერატორ მურმან ზოიძეს მცირეწლოვანი შვილის თვალწინ გაუსწორდა ამ დრომდე არ დაუკავებიათ. […]
დღისით, მზისით, ახალგაზრდა მამაკაცი სათვალთვალო კამერების წინ უმოწყალოდ ცემეს, მოძალადეებმა კი ტერიტორია დაბურულმინებიანი პიკაპით დატოვეს და მიიმალნენ. ეს საქმე არათუ არავის გამოუძიებია და უპოვია მოძალადეები, მეტიც – ნაცემ მოქალაქეს დაზარალებულის სტატუსიც კი არ მიანიჭეს. ყველაფერი კი სახელმწიფო ტენდერით დაიწყო, სადაც დავით კალმახელიძე ქვეკონტრაქტორად შევიდა. ჯერ კერძო კომპანიამ მოატყუა, სახელმწიფომ კი მოგებული სასამართლო დავების მიუხედავად, მაინც […]
იტალიაში, ქალაქ ნაპოლიში ქართველ ემიგრანტს დამსაქმებლები სასტიკად გაუსწორდნენ. ამის შესახებ ინფორმაცია სოციალურ ქსელში ვრცელდება. „თუ ვინმეს შეგიძლიათ დახმარება, დაეხმარეთ გთხოვთ; ქ.ნაპოლის პროვინციაში აჩერაში მყოფი ქალბატონი სცემეს ოჯახის წევრებმა და ახლა სახლიდან (სამსახურიდან ანუ), აგდებენ, სჭირდება ამ წუთას ისეთი ვინმე, ვინც დაელაპარაკება პატრონებს, ან ადვოკატი და ან კანონების მცოდნე პირი, დაუკავშირდით ამ ნომერზე: 3273388715, მადლობა, ეს […]
თელავის მუნიციპალიტეტის სოფელ იყალთოში პოლიციელს სცემეს. გიორგი დედაბრიშვილს ფიზიკურად რამდენიმე პირი გაუსწორდა. ფორმულას ინფორმაციით, დაპირისპირებაში დაცვის პოლიციის ყოფილი თანამშრომელი გიორგი ლაჩაშვილიც მონაწილეობდა. ნაცემი პოლიციელის მდგომარეობა სტაბილურია. თვითმხილველების ინფორმაციით, ინციდენტი 17 ააპრილს, დღის საათებში, დედაბრიშვილის სახლის წინ მოხდა. “მთავარის” ინფორმაციით, დაპირისპირების მიზეზი გახდა ის, რომ დედაბრიშვილმა რამდენიმე დღის წინ სამართალდარღვევასთან დაკავშირებით, პირს ჯარიმა გამოუწერა. შინაგან საქმეთა სამინისტროს ინფორმაციით, საქმეზე […]
ესპანეთში სამმა რუსმა სასტიკად სცემა უკრაინელი ბარმენი, რომელმაც სიტყვები – „დიდება უკრაინას“ თქვა. შემთხვევა ალიკანტეს ბარში მოხდა. სამი მთვრალი კაცი დაწესებულებაში მაშინ მივიდა როცა ბარი უკვე იხურებოდა. ბარმენმა რუსლან პოვალიიმ უთხრა მათ, რომ დაწესებულება იხურებოდა და სთხოვა დაეტოვებინათ შენობა. რუსებმა გაიგეს მისი აქცენტი და ჰკითხეს, საიდან იყოო. „მე ვუპასუხე, რომ უკრაინიდან ვიყავი და დავამატე: დიდება […]
შინაგან საქმეთა სამინისტროს მცხეთა-მთიანეთის პოლიციის დეპარტამენტის თანამშრომლებმა, 2000 წელს დაბადებული დ.გ. მცირეწლოვანი შვილის თანდასწრებით მეუღლეზე ძალადობის, მცირეწლოვანი შვილის მიმართ ძალადობის, ოჯახის წევრისთვის თავისუფლების უკანონო აღკვეთის, მის მიმართ განხორციელებული ძალადობის, მუქარის და ნივთის დაზიანების ბრალდებით დააკავეს. ამის შესახებ ინფორმაციას შინაგან საქმეთა სამინისტრო ავრცელებს. მათივე ინფორმაციით, გამოძიებით დადგინდა, რომ დ.გ. მცირეწლოვანი შვილის თანდასწრებით, გენდერული დისკრიმინაციის ნიშნით შეუწყნარებლობის მოტივით, […]
ადვოკატი მისი დაცვის ქვეშ მყოფმა პირმა სცემა და დაჭრა. უფლებადამცველ გიორგი ბარდაველიძეს ფიზიკურად მისსავე მანქანაში გაუსწორდნენ. ირკვევა, რომ ბარდაველიძეს მიმართ პრეტენზია გამოთქვა მისმა კლიენტებმა, რომლებსაც თაღლითობას ედავებოდნენ. ორიდან ერთი სასამართლომ ჯარიმით გამოუშვა. ეს კი უკმაყოფილების მიზეზი გახდა. პრეტენზია ჰქონდათ, სააპელაციო სასამართლოში რატომ არ არის დროულად შესული საჩივარიო. თუმცა, მე გასაჩივრებული მქონდა და ფოსტის მეშვეობით გავაგზავნე სასამართლოში. აბსოლუტურად გამართლებულმა […]
სპეციალურმა საგამოძიებო სამსახურმა “ფორმულას” თანამშრომლებისთვის ჟურნალისტურ საქმიანობაში უკანონოდ ხელის შეშლის ფაქტზე გამოძიება დაიწყო. ამის შესახებ ინფორმაციას სპეციალური საგამოძიებო სამსახური ავრცელებს. “2022 წლის 17 მარტს, სპეციალური საგამოძიებო სამსახურის ცხელ ხაზზე მიღებული ინფორმაციის საფუძველზე, საგამოძიებო სამსახურში დაიწყო გამოძიება ტელეკომპანია “ფორმულას” თანამშრომლებისთვის ჟურნალისტურ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის მეორე ნაწილით. სპეციალური საგამოძიებო […]
სპეციალურმა საგამოძიებო სამსახურმა მედიასაშუალებებით გავრცელებული ინფორმაციის საფუძველზე, პენიტენციური სამსახურის თანამშრომლის მხრიდან მიხეილ სააკაშვილის ადვოკატ შოთა თუთბერიძის მიმართ №12 პენიტენციურ დაწესებულებაში განხორციელებული სამსახურებრივი უფლებამოსილების ძალადობით გადამეტების ფაქტზე გამოძიება დაიწყო. ამის შესახებ ინფორმაციას სპეციალური საგამოძიებო სამსახური ავრცელებს. მათივე ინფორმაციით, ადვოკატთან დაუყოვნებლივ განხორციელდა კომუნიკაცია მასთან საგამოძიებო მოქმედებების ჩატარების მიზნით. „მედიასაშუალებებით გავრცელებული ინფორმაციის საფუძველზე, 2022 წლის 2 მარტს, სპეციალურ საგამოძიებო სამსახურში დაიწყო […]
საქართველოს მესამე პრეზიდენტის, მიხეილ სააკაშვილის ადვოკატის, ნიკა გვარამიას განცხადებით, რუსთავის ციხის ბადრაგმა ადვოკატ შოთა თუთბერიძეს ფიზიკური და სიტყვიერი შეურაცხყოფა მიაყენა. მიხეილ სააკაშვილი ბადრაგის ვინაობის დაუყოვნებლივ გასაჯაროებას ითხოვს. „რუსთავის ციხის ბადრაგმა ადვოკატ შოთა თუთბერიძესთან აგინა მიხეილ სააკაშვილს, რის გამოც მიიღო შესაბამისი პასუხი. ბადრაგმა ფიზიკური და სიტყვიერი შეურაცხყოფა მიაყენა ადვოკატს და სხვა ბადრაგებმა გაარიდეს დანაშაულის (სწორედ, დანაშაულის) ჩადენის ადგილს. კატეგორიულად მოვითხოვთ, დაუყოვნებლივ […]