პეტერბურგის მეტროს სადგური საეჭვო ნივთის გამო დაკეტეს პეტერბურგში მეტროს სადგური „Площадь восстания“ დაკეტეს. სააგენტო „რია ნოვოსტის“ ინფორმაციით, ამის მიზეზი სადგურზე ნაპოვნი საეჭვო საგანი გახდა.
– ადგილობრივი დროით, 16:45 საათზე სადგურ „Площадь восстания“-ს ბაქანზე საეჭვო ნივთი აღმოაჩინეს. სადგური და სხვა სადგურზე გადასასვლელი დაიკეტა, – განაცხადეს მეტროპოლიტენში.
პეტერბურგის მეტროპოლიტენში 3 აპრილს ტერაქტი მოხდა, რის შედეგადაც 10-ზე მეტი ადამიანი დაიღუპა და ათეულობით დაშავდა.