ღირსეული პარტნიორი 2017-ში მონაწილე სამხედროებმა აგვისტოს ომში დაღუპულ მებრძოლებს პატივი მიაგეს

მათ 2008 წლის რუსეთ-საქართველოს აგვისტოს ომში დაღუპულ სამხედრო მოსამსახურეებს პატივი მიაგეს.

დღეს აგვისტოს ომის მე-9 წლისთავია.  საქართველოში რუსული ინტერვენციის შედეგად დაიღუპა საქართველოს 228 მშვიდობიანი მოქალაქე, 14 პოლიციელი, ხოლო 1 747 დაიჭრა. სახლები დატოვა თითქმის 150 000-მა ადამიანმა, მათგან დღემდე დევნილობაში რჩება 30 000-მდე. რაც შეეხება ომში დაღუპულ სამხედრო მოსამსახურეებს, თავდაცვის სამინისტროს მონაცემებით, სულ დაღუპულად 169 სამხედრო მიიჩნევა, აქედან ხუთი უგზო-უკვლოდ დაკარგულია.

მათ ხსოვნას პატივი უკვე მიაგო პრემიერმინისტრმა გიორგი კვირიკაშვილმა და პარლამენტის თავმდჯომარე ირაკლი კობახიძემ.

თბილისსა და ქუთაისში მდებარე პარლამენტის შენობებზე სახელმწიფო დროშები დაეშვა.