ოკუპირებულმა ცხინვალმა საოკუპაციო ხაზის გასწვრივ ხნულების გავლება მათ მიერ კონტროლირებად ტერიტორიაზე გუშინ დაიწყო. სამუშაოები დღეს სოფელ არცევში მიმდინარეობს.
ოსური მხარის მიერ კონტროლირებად სოფელ არცევს ქართული მხარის მიერ კონტროლირებადი სამი სოფელი: ჯარიაშენი, აძვი და ქვეში ესაზღვრება.
3 აგვისტოდან 18 აგვისტოს ჩათვლით ხნულების გავლება 1 აგვისტოს დაანონსდა, ხანძრების თავიდან აცილების მიზნით.
საქართველოს პრეზიდენტი გიორგი მარგველაშვილი საერთაშორისო თანამეგობრობას პოზიციის დაფიქსირებისკენ მოუწოდებს. თავდაცვის მინისტრ ლევან იზორიას განცხადებით, ხელისუფლება პროვოკაციას არ უნდა წამოეგოს და ცივი გონებით იმოქმედოს.
იმედინიუსი