საქართველოს თავდაცვის მინისტრი ლევან იზორია აფხაზეთში დაწყებულ სამხედრო წვრთნებს საერთაშორისო ნორმების დარღვევად აფასებს.
როგორც იზორიამ ჟურნალისტებს განუცხადა, წვრთნებს ქართული მხარე საფრთხედ აღიქვამს.
– ყველა ტიპის აქტივობა ოკუპირებულ ტერიტორიებზე ანუ ჩვენს ტერიტორიებზე, განსაკუთრებით სამხედრო თვალსაზრისით, არის ანტიკონსტიტუციური და უკანონო და აქვს საერთაშორისო საზოგადოებისგან მკაცრი კრიტიკა. ჩვენ ამას აღვიქვამთ როგორც საფრთხეს და ვამბობთ, რომ ეს არის მორიგი დარღვევა საერთაშორისო სამართლებრივი ნორმების,- განაცხადა იზორიამ.
ოკუპირებულ აფხაზეთში რუსეთის სამხედრო ტაქტიკური წვრთნები მიმდინარეობს. წვრთნებში დაახლოებით 300 ერთეული სამხედრო მოსამსახურე და სპეცტექნიკა მონაწილეობს.
სწავლება კვირის ბოლომდე გაგრძელდება.
ინტერპრესნიუსი