დინამო „არენაზე“ ჩატარებულ საქველმოქმედო მატჩს ფეხბურთის ბრაზილიელმა ვარსკვლავმა რივალდომ შესანიშნავი უწოდა. „ეს იყო ჩემი გუნდი საქართველოში. მათთან თამაში მარტივია. ეს იყო შესანიშნავი, ზეიმი 60.000 გულშემატკივრის წინაშე! დიდი მადლობა“,- ამბობს რივალდო. ინფორმაციას pia ავრცელებს.
ბრაზილიელმა ვეტერანმა ფეხბურთელმა თამაშის დაწყებამდეც საქართველოში ჩამოსვლისთვის მადლობა გადაიხადა. მან Facebook-ის საკუთარ გვერდზე ფოტოები გამოაქვეყნა თბილისის ხედით. „საქართველოში ჩამოვედით. მადლობა ღმერთს, მალე ვითამაშებთ“, – წერს რივალდო.
ამ თამაშებიდან მიღებული შემოსავალი, შეთანხმებისამებრ, სრულად მოხმარდება ბორჯომის ხეობაში, აგვისტოში ხანძრის შედეგად განადგურებული ტყის აღდგენას.
მატჩი ანგარიშით 6:5 მსოფლიო ვარსკვლავების სასარგებლოდ დასრულდა.
იმედინიუსი