– თამაზ მეჭიაურმა რამდენჯერმე მთხოვა მიმეყვანა “ქართულ ოცნებაში”. მიუხედავად იმისა, რომ ექვსპარტია გამონაცვალი იყო და არასტაბილური იმიჯის მქონეა, ვთხოვე, რომ მიგვეღო და ჩაგვერთო პროცესებში, – განაცხადა ზაქარია ქუცნაშვილმა “რუსთავი 2″თან. იქვე განმარტა, თუ რატომ მიიღო ასეთი გადაწყვეტილება.
– თამაზ მეჭიაურის მამა და დედაჩემის დედა იყვნენ ალალი და-ძმანი. და ეს ნათესაური კავშირი, მე როგორც მთიელს, მავალდებულებს ყველა მთიელზე ვიზრუნო.
– თამაზი ჩემს მზეს ლოცულობდა, დღე და ღამე ჩემს სადღეგრძელოს სვამდა და შტაბის უფროსად გავამწესეთ ჩემს მშობლიურ თიანეთის რაიონში, – განაცხადა ზაქარია ქუცნაშვილმა.
მისი თქმით, თამაზ მეჭიაური “ქართულ ოცნებას” აშანტაჟებდა.
– დააყენა თავისი კანდიდატურა თიანეთის რაიონში, მაშინ არ იყო ციხის კადრები ჯერ გამოსული და თქვა, რომ მე თუ სიაში არ ჩამწერთ, მე ვიმუშავებ იქით, სადაც გამიხარდება, – განაცხადა ზაქარია ქუცნაშვილმა.