გერმანიის კანცლერი ანგელა მერკელი სოციალ-დემოკრატიულ პარტიასთან მოლაპარაკებას გამართავს. ამის შესახებ BBC-ი წერს.
საკითხი მას შემდეგაა აქტუალური, რაც გერმანიაში სამთავრობო კრიზისი შეიქმნა, რადგან არჩევნებში გამარჯვების მიუხედავად, ანგელა მერკელის ქრისტიან-დემოკრატიულმა კავშირმა მთავრობა ვერ ჩამოაყალიბა.
მანამდე სოციალ-დემოკრატებმა მერკელის პარტიასთან მოლაპარაკების წარმოებაზე უარი თქვეს. მოლაპარაკების და მორიგების შემთხვევაში ამ ბლოკს მანდატების 56% ექნება.
კანცლერმა ანგელა მერკელმა განაცხადა, რომ იმ შემთხვევაში, თუ ვერ მოხერხდება კოალიციური მთავრობის შექმნა, ის მიემხრობა რიგგარეშე არჩევნების ჩატარებას და არა – უმცირესობის მთავრობის შექმნას.
ამასთან, მერკელმა გამოთქვა მზადყოფნა, კვლავ გაუძღვეს თავის პარტიას.
იმედინიუსი