საუდის არაბეთში დაკავებული სახელმწიფო ელიტი წარმომადგენლებს, მათ შორის პრინცებს, დაკითხვის დროს აწამებენ. ამის შესახებ გაზეთი Daily Mail საკუთარ წყაროზე დაყრდნობით წერს. „მათ სცემენ, აწამებენ და შეურაცხყოფას აყენებენ,“- განაცხადა წყარომ, რომლის ცნობითაც წამებაში ამერიკული დაცვის სამსახური Academi მონაწილეობას, რომელიც კერძო სამხედრო კომპანია Blackwater-ის შემცვლელია. Academi-ის წარმომადგენელმა ეს ინფორმაცია უარყო.
გაზეთის მტკიცებით, დაკითხვებში შესაძლოა საუდის არაბეთის ტახტის მემკვიდრე მუჰამედ ბინ სალმან ალ საუდი მონაწილეობდეს. დაკავებულთა საბანკო ანგარიშებიდან 194 მილიარდი დოლარის კონფისკაცია მოხდა.
5 ნომბერს, საუდის არაბეთში თერთმეტი პრინცი, ოთხი მოქმედი მინისტრი და ათობით ყოფილი მინისტრი დააპატიმრეს. მათი დაკავების გადაწყვეტილება ეროვნულმა ანტიკორუფციულმა კომიტეტმა მიიღო, რომელსაც კრონ-პრინცი მუჰამედ ბინ-სალმანი ხელმძღვანელობს. ამ უწყებას გამოძიების, დაკავების, თვალთვალის და იმ კერძო პირების პირადი ანგარიშების დაყადაღების უფლება აქვს, რომლებიც ფინანსურ მაქინაციებში არიან ეჭვმიტანილნი.
დაკავებულები დედაქალაქ ერ-რიადის სასტუმრო Ritz Carlton-ში განათავსეს. მანამდე, სასტუმროს სტუმრებისა და პერსონალის ევაკუაცია გამოაცხადეს, რის შემდეგაც შენობაში მასშტაბურ კორუფციულ ქსელში ეჭვმიტანილები გამოამწყვდიეს.
იმედინიუსი