საგანგებო სიტუაციების მართვის სამსახურის ინფორმაციით, სავაჭრო ცენტრ „ქალაქის გულში“ მომხდარი ხანძრის შედეგად დამწვარია მინიმუმ 3000 კვადრატული მეტრის ფართობი.
საჯარო რეესტრის ამონაწერის მიხედვით, ბაზრობის მესაკუთრეა შპს „ ქალაქის გული“. შეზღუდული პასუხისმგებლობის საზოგადოებას რამდენიმე მესაკუთრე ჰყავს. ყველზე მსხვილი, 45%-იანი წილის მფლობელია „მორ ფანდ ჰოლდინგ ბი.ვი., ნიდერლანდები. 44.6% ეკუთვნის შპს „თერგს“ და 5-5%-იანი წილის მფლობელები არიან არიე გოლდსტეინი და კორპორაცია კოლხა. არიე გოლდსტეინი ისრაელის მოქალაქეა და საჯარო რეესტრის ამონაწერის მიხედვით, კომპანიის ფინანსური დირექტორიცაა.
შპს „ქალაქის გულის“ გენერალური დირექტორი მუხრან ბაგრატიონია. დირექტორატში კი 2 საქართველოს და 2 ისრაელის მოქალაქეა.
აღნიშნული მონაცემები საჯარო რეესტრში 2016 წლის მაისით თარიღდება და მას შემდეგ კომპანიის მესაკუთრეების ან მენეჯმენტის ცვლილებები რეგისტრირებული არ არის.
ბიზნესმედია