პოლონეთის საგარეო საქმეთა სამინისტრომ ვარშავაში რუსეთის ელჩს, სერგეი ანდრეევს ქვეყნიდან რუსი დიპლომატების გაძევების გადაწყვეტილების შესახებ შეატყობინა.
აღნიშნული ინფორმაცია რუსეთის ელჩმა ჟურნალისტებთან საუბარში დაადასტურა.
ბერლინი კი 4 რუსი დიპლომატის გაძევებას აპირებს.
– დღეს მივიღეთ ოთხი რუსი დიპლომატის გაძევების გადაწყვეტილება, ვინაიდან სოლსბერიში მომხდართან დაკავშირებით რუსეთი ჯერ კიდევ არ გვაწვდის ახსნა-განმარტებას. ჩვენ ეს გადაწყვეტილება მარტივად არ მიგვიღია, – აცხადებს გერმანიის საგარეო საქმეთა მინისტრი.
სერგეი სკრიპალის საქმესთან დაკავშირებით უკრაინამ 13, ჩეხეთმა 3, ლიტვამ 3, ლატვიამ 1, საფრანგეთმა კი 4 რუსი დიპლომატის გაძევების გადაწყვეტილება მიიღეს.
შეგახსენებთ, რომ ГРУ-ს ყოფილი პოლკოვნიკი სერგეი სკრიპალი და მისი ქალიშვილი ბრიტანეთში 4 მარტს მოწამლეს. ამის გამო, დიდმა ბრიტანეთმა 23 რუსი დიპლომატის გაძევების გადაწყვეტილება მიიღო, რასაც რუსეთმა 23 ბრიტანელი დიპლომატის გაძევებით უპასუხა.
ინტერპრესნიუსი