ნარკოდანაშაულისთვის დაკავებული ცოლ-ქმრის საცხოვრებელი სახლის ჩხრეკა, გუშინ მთელი დღის განმავლობაში მიმდინარეობდა.
დიღომში, ნაქირავებ ბინაში, სამართალდამცველები ნივთმტკიცებებს და ბრალდებულის თანამზრახველების კვალს ეძებდნენ.
– დაკავებული მოიყვანეს აქ არ დაუკავებიათ, აქ ჩხრეკა ჩაატარდა. როგორც ვიცი, ერთი ბიჭი დააკავეს ნაქირავებში ცხოვრობდა მეუღლესთან ერთად. როგორც გავიგე ეს ბიჭი ინტერნეტით ასაღებდა ნარკოტიკს, – ამბობს ადგილობრივი მაცხოვრებელი ია მგალობლიშვილი.
ნარკოტიკების ინტერნეტით რეალიზების საქმეზე შს სამინისტრომ ცოლ-ქმარი, 1991 წელს დაბადებული ქალი და 1994 წელს დაბადებული მამაკაცი დააკავა.
შს მინისტრის მოადგილის თქმით, სამართალდამცველებმა 2 თვის მანძილზე განხორციელებული საგამოძიებო მოქმედებების შედეგად ინტერნეტით ნარკოტიკების რეალიზაციის დანაშაულებრივი სქემა გამოავლინეს.
დაკავებული პირების მიმართ გამოძიება ნარკოტიკული საშუალებების უკანონო გასაღების ფაქტზე, საქართველოს სისხლის სამართლის კოდექსის 260-ე მუხლის პირველი და მე-4 ნაწილებით მიმდინარეობს.
რუსთავი 2