ზესტაფონში, აღმაშენებლის გამზირზე, მკვლელობა მოხდა.
თვითმხილველების ინფორმაციით, ერთ-ერთმა პირმა მეორეს თავში რკინის არმატურა ჩაარტყა. მამაკაცი ადგილზე გარდაიცვალა.
არსებული ინფორმაციით მკვლელობას წინ ურთიერთშლაპარაკება უძღოდა. კონფლიქტის მიზეზი სავარაუდოდ ფული გახდა.
„ფული ვერ გაინაწილეს და თავში რკინა ჩაარტყა”- აცხადებს თვითმხილველი.
როგორც “ნიუპოსტს” შს სამინისტროში განუცხადეს, მკვლელობაში ბრალდებული დაკავებულია. გამოძიება კი სისხლის სამართლის კოდექსის 117-ე მუხლის მეშვიდე ნაწილით მიმდინარეობს, რაც ჯანმრთელობის განზრახ მძიმე დაზიანება გულისხმობს.