თბილისში, პეკინის 4 ნომერში მდებარე საცხოვრებელ კორპუსში ექსპერტ-კრიმინალისტები არიან მობილიზებულები.
გავრცელებული ინფორმაციით, დაჭრილია მამაკაცი, თუმცა, აღნიშნულს შინაგან საქმეთა სამინისტროში არ ადასტურებენ.
ერთ-ერთი ვერსიით, შემთხვევა ლომბარდთან მოხდა. მეორე ვერსიით კი, მე-10 სართულზე მდებარე ბინაში მინა ჩაიმსხვრა და ახალგაზრდა მამაკაცს ფეხი დაუზიანდა. თუმცა, ადგილზე კრიმინალური პოლიციაა მობილიზებული.
როგორც ცნობილია, ის საავადმყოფოშია გადაყვანილი.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის ორი – 124-ე და 236-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას და ცეცხლსასროლი იარაღის მართლსაწინააღმდეგოდ შეძენა-ტარებას გულისხმობს.
რუსთავი 2