ყაჩაღობა მოხდა თბილისის ცენტრში. მძარცველმა თამარაშვილის 10 ნომერში მდებარე გადამზიდავი კომპანია „ინექს გრუპი“ დააყაჩაღა. თვითმხილველების ინფორმაციით თავდამსხმელი შეიარაღებული იყო.
დაყაჩაღებისას შენობაში ორგანიზაციის ორი თანამშრომელი – მოლარე და ოპერატორი იმყოფებოდნენ. წაღებულია თანხის ნაწილი, თუმცა ზუსტი ოდენობა ამ დრომდე უცნობია.
„მოვედით და ვარკვევთ ახლა რა მოხდა შიგნით. შიგნით იყო მოლარე და ოპერატორები. მიკროსაფინანსოა მოგეხსენებათ,“ – აცხადებს კომპანიის ერთ-ერთი თანამშრომელი.
თვითმხილველების ინფორმაციით, დაყაჩაღების შემდეგ თავდამსხმელი მიიმალა.
ამ დროისთვის ადგილზე მიმდინარეობს საგამოძიებო მოქმედებები.
რუსთავი 2