თბილისში, ვაჟა ფშაველას გამზირზე 31 წლის მამაკაცი საკუთარ ავტომობილში ცეცხლსასროლი იარაღით დაჭრეს. მამაკაცს ჭრილობა მხარის არეში აქვს მიყენებული. მისი ჯანმრთელობის მდგომარეობა სტაბილურია.
ადგილზე გვიანობამდე მუშაობდნენ ექსპერტ-კრიმინალისტები. “კურიერს” სანდო წყარო უყვება რომ მამაკაცს კონფლიქტის ნიადაგზე გვერდზე მჯდომმა ესროლა და შემთხვევის ადგილიდან მიიმალა.
საქმეზე გამოძიება ჯანმრთელობის განზრახ მძიმე დაზიანებისა და ცეცხლსასროლი იარაღის მართლსაწინააღმდეგო შეძენა-ტარების მუხლით მიმდინარეობს.