სერბმა ჩოგბურთელმა ნოვაკ ჯოკოვიჩმა თავის კარიერაში მეშვიდედ შეძლო ავსტრალიის ღია პირველობის მოგება. ფინალში მან თავისი მუდმივი მეტოქე რაფაელ ნადალი სამ სეტში, საკმაოდ ადვილად დაამარცხა, ანგარიშით 6:3, 6:2, 6:3.
ფინალში ნოვაკმა მხოლოდ 9 უნებლიე შეცდომა დაუშვა და თავისი მეტოქე ბოლომდე დაჯაბნა. რაც შეეხება ნადალს, მან აშკარად ცუდი შეხვედრა ჩაატარა, თუმცა ეს ჯოკოვიჩის დამსახურებაც არის.
ჯოკოვიჩმა კარიერაში მე-15 დიდი სლემის ტურნირი მოიგო და ნადალს მიუახლოვდა, რომელსაც 17 დიდი სლემის ტიტული აქვს.