რამდენიმე საათის წინ, პეკინის 7 ნომერში საიუველირო მაღაზია “ფრანკო ფონტანა” გაქურდეს. წაღებულია დიდი რაოდენობით ნივთები, რომლის ღირებულებაც რამდენიმე ათასი ლარია. ზარალის ზუსტი ოდენობა მოგვიანებით გაირკვევა.
ამ დროისათვის არსებული ინფორმაციით, 3-მა დამნაშავემ კარი გატეხა და ისე შეაღწია მაღაზიაში.
მაღაზიის წარმომადგენლის თქმით, კამერებზე დაფიქსირებულია, როგორ შედის 3 პირი მაღაზიაში და როგორ ძარცვავს მას.
“კამერები მუშა მდგომარეობაშია და კადრები ამიღებულია” – უთხრა რუსთავი 2-ს “ფრანკო ფონტანას” წარმომადგენელმა.
მაღაზიის წარმომადგენელი
ამ წუთებში ადგილზე საგამოძიებო მოქმედებები მიმდინარეობს. სამართალდამცველებმა უკვე ამოიღეს კამერის ჩანაწერები და გამოკითხეს თანამშრომლები.
