ვენესუელას გარდამავალი პრეზიდენტი ხუან გუაიდო ქვეყნის ე.წ. პრეზიდენტის ნიკოლას მადუროს ამნისტიას არ გამორიცხავს იმ შემთხვევაში თუ ის საკუთარი ნებით უარს იტყვის ხელისუფლებაზე. ამის შესახებ ხუან გუაიდომ ტელეარხ Univision-ისთვის მიცემულ ინტერვიუში განაცხადა.
„ამგვარი რამ გარდამავალ პერიოდში ხდება. ჩვენ არ შეგვიძლია არაფრის გამორიცხვა. ამნისტია გარანტირებული იქნება ყველასთვის, ვინც კანონის მხარეს დადგება და ხელს შეუწყობს საკონსტიტუციო წესრიგის აღდგენას“, – განაცხადა ვენესუელას გარდამავალმა პრეზიდენტმა.
შეგახსენებთ, რომ 23 იანვარს ვენესუელას პარლამენტის თავმჯდომარემ და ოპოზიციის ლიდერმა ხუან გუაიდომ თავი დროებით პრეზიდენტად გამოაცხადა. ის ამ სტატუსით უკვე აღიარა აშშ-მ, კანადამ, არგენტინამ, ბრაზილიამ, კოლუმბიამ, პარაგვაიმ, პერუმ, ჩილემ, ეკვადორმა და საქართველომ.