გაერთიანებული ოპოზიცია “ძალა ერთობაშიას” ერთ-ერთი ლიდერი, გრიგოლ ვაშაძე “თიბისი ბანკის” ირგვლის განვითარებულ მოვლენებზე კომენტარს აკეთებს და ამბობს, რომ “ხაზარაძეს ბიზნესი აახიეს”.
პრეზიდენტობის ყოფილი თავმჯდომარე გურჯაანის სასსამართლოში იმყოფება, სადაც გაერთიანებული ოპოზიციის დაკავებული ლიდერის, დავით კირკიტაძის სასამართლო პროცესი მიმდინარეობს:
“აუცილებლად გამოვიყვანთ კირკიტაძეს და ივანიშვილის კრიმინალურ რეჟიმს მივუჩენთ შესაბამის ადგილს”- აღნიშნა მან.
ვაშაძის თქმით, ივანიშვილი ცდილობს ბიზნესზე და თავისუფალ გარემოზე ზეწოლას .
“სამას ათას ხელმოწერასაც შევაგროვებთ, არ არის პრობლემა, მაგრამ ვცხოვრობთ ქვეყანაში, სადაც ფეხქვეშ არის გათელილი ადამიანის უფლებები; ადამიანებს, ვინც 27 წელი შეალია ბიზნესის გაკეთებას, ართმევენ ამ ბიზნესებს – ხაზარაძე ჩემი მეგობარი არაა და ერთხელ მყავს ნანახი, მაგრამ “აახიეს” რასაც ჰქვია ბიზნესი და გვყავს უამრავი პოლიტპატიმარი. ერთ-ერთი არის დავით კირკიტაძე. სულ ტყუილად გახვიეს იურიდიულ აბსურდში. ის პირადი პატიმარია ბიძინა ივანიშვილის, რომელსაც თავისი ჩრდილის ეშინია. მან საქართველოს მოქალაქე მიიყვანა გაპარტახების პირას. აუცილებლად გამოვიყვანთ კირკიტაძეს და ივანიშვილის კრიმინალურ რეჟიმს მივუჩენთ შესაბამის ადგილს, სადაც ისტორიის სანაგვეა“, – განაცხადა გრიგოლ ვაშაძემ.