საქართველოს პარლამენტის იურიდიული კომიტეტის სხდომა საკმაოდ დაძაბულ ვითარებაში მიმდინარეობდა. დაპირისპირება არსებულ და ყოფილ თანაგუნდელებს შორის, მმართველი პარტიიდან, სხდომათა დარბაზის გარეთაც წარიმართა. კომიტეტის თავმჯდომარემ ანრი ოხანაშვილმა ეკა ბესელია გააკრიტიკა.
„აქ არის მზაკვრული გეგმა. ესენი რომ მოიფიქრებენ, ის მე კარგა ხნის წინ მაქვს ნანახი და გავლილი. ძალიან ჩქარა უნდოდათ მოშორება, რომ ამ კვირაში ორივე პროექტი გამოეტანათ. ჩვენი პროექტი ჩააგდონ, მოიშორონ თავიდან ამიტომ დანიშნა შაბათს. რატომ დანიშნა შაბათს მეოთხე დღეს, როცა კიდევ აქვს ხუთი კვირა და თვენახევარზე მეტი განხილვისთვის. რატომ?სად ეჩქარებოდა ოხანაშვილს?-უთხრეს, რომ ჩქარა უნდა მოიშოროს ბესელიას და კიდევ 12 დეპუტატის კანონპროექტი , იმიტომ რომ ეს თავის ტკივილია? ეს თავის ტკივილი კიდევ დიდხანს გაუგრძელდებათ ,ამიტომ განიხილავს მაშინ როცა განიხილავს,“-განაცხადა ბესელიამ.