ხაშურში 19 წლის ბიჭს დანით მრავლობითი ჭრილობა მიაყენეს. ის ამჟამად სამედიცინო დაწესებულებაში რეანიმაციულ განყოფილებაში იმყოფება. ექიმების განცხადებით, ბიჭის მდგომარეობა სტაბილურად მძიმეა.
როგორც „პრაიმტაიმმა” გაარკვია, კონფლიქტი მეგობრებს შორის მოხდა და ბიჭმა 4 ჭრილობა სწორედ ამ მეგობრისგან მიიღო.
შინაგან საქმეთა სამინისტრომ საქმეზე ერთი პირი უკვე დააკავა. გამოძიება საქართველოს სსკ 19-108 განზრახ მკვლელობის ბრალდებით მიმდინარეობს.