ვაჟა-ფშაველას გამზირზე, დელისის მეტროს მიმდებარე ტერიტორიაზე 23 წლის მამაკაცი ცეცხლსასროლი იარაღით დაჭრეს.
როგორც თვითმხილველებმა ნიუპოსტს უთხრეს, ადგილზე რამდენიმე გასროლის ხმა გაიგეს. მათივე თქმით, დაჭრილი ახალგაზრდა გიორგი მღებრიშვილია.
როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება სისხლის სამართლის კოდექსის ორი მუხლით 19-108-ე და 236-ე მუხლებით არის დაწყებული, რაც განზრახ მკვლელობის მცდელობასა და ცეცხლსასროლი იარაღის უკანონოდ შეძენა-შენახვა-ტარებას გულისხმობს.
მათივე ინფორმაციით, მიმდინარეობს აქტიური საგამოძიებო მოქმედებები.
არსებული ინფორმაციით, მამაკაცი ფეხის არეშია დაჭრილი და მის სიცოცხლეს საფრთხე არ ემუქრება.