თბილისის საქალაქო სასამართლოში ბიზნესმენისა და მსახიობის, ლევან ჯიბღაშვილის, აღკვეთის ღონისძიებაზე სხდომა მიმდინარეობდა.
პროკურატურა ჯიბღაშვილისთვის გირაოს სახით 15 ათასი ლარის შეფარდებას ითხოვდა თუმცა, მოსამართლემ პროკურატურის მოთხოვნა არ დააკმაყოფილა და მსახიობს გირაოს სახით 10.000 ლარის გადახდა განესაზღვრა.
ლევან ჯიბღაშვილი თანხის შეტანამდე პატიმრობაში დარჩება.
მსახიობი გუშინ დააკავეს. გამოძიება სისხლის სამართლის კოდექსის 260-ე მუხლის პირველი და მე-3 ნაწილით მიმდინარეობს, რაც დიდი ოდენობით ნარკოტიკული საშუალების ფლობას გულისხმობს და ისჯება თავისუფლების აღკვეთით, ვადით 5-დან 8 წლამდე.
ნიუპოსტი