რუსთავში 16 წლის გოგონა შეყვარებულის გამო მე-4 სართულიდან გადმოხტა – ვიდეო

სუიციდის მცდელობა იყო რუსთავში, XX მიკრორაიონში.

16 წლის გოგონა საცხოვრებელი კორპუსის ეზოში მძიმე მდგომარეობაში ნახეს, ადგილზე გამოიძახეს სასწრაფო სამედიცინო დახმარებისა და კრიმინალური პოლიციის ეკიპაჟები. მოზარდი კლინიკა რუსთავში გადაიყვანეს.

“ინფო რუსთავის” ინფორმაციით გოგონას შეყვარებული ჰყავდა. ბოლო პერიოდში მასთან ურთიერთობა გაუფუჭდა რის შემდეგაც დეპრესია ჰქონდა, ამ ინფორმაციას გოგონას მეგობრები პირად საუბრებში ადასტურებენ.

არსებული ინფორმაციით, გოგონამ სუიციდი სცადა და მრავალსართულიანი სახლის მე-4 სართულიდან გადმოხტა.

“ინფო რუსთავს” კლინიკა რუსთავში განუცხადეს რომ – “პაციენტი შემოიყვანეს ტრავmული შოკით, მძიმე მდგომარეობაში. უტარდება შესაბამისი მკურნალობა”.

შსს-ში აცხადებენ რომ – “მომხდარზე გამოძიება სსკ 115 მუხლით დაიწყო, რაც თვითმკვლელობამდე მიყვანას გულისხმობს.”

დატოვეთ თქვენი კომენტარი