იტალიაში, ქალაქ ტრენტოში ტბაში ახალგაზრდა ქართველი ქალი, თამარ ნეფარიძე გარდაცვლილი იპოვეს. რა გახდა გარდაცვალების მიზეზი, ჯერჯერობით უცნობია.
ქალს ახლობლები 2 დღის განმავლობაში ეძებდნენ.
ამ დროისთვის უცნობია, როდის ჩამოასვენებენ გარდაცვლილს სამშობლოში.
AMBEBI.GE-სთან საუბარში გარდაცვლილის შვილი ლაშა ჟორჟოლიანი აცხადებს, რომ ამ დროისთვის სხვა დეტალები უცნობია.
“ჯერჯერობით, არაფერი ვიცი რა მოხდა. დღეს მივფრინავ იტალიაში და გარდაცვალების შესახებ დეტალებს გავარკვევ,” – განაცხადა ლაშა ჟორჟოლიანმა.
გარდაცვლილი თამარ ნეფარიძე რუსთავიდან იყო და ემიგრაციაში 5 წლის განმავლობაში იმყოფებოდა.