ხობის მუნიციპალიტეტის მცხოვრებმა ქალმა თვითმკვლელობა სცადა.
„ლაივპრესის“ ინფორმაციით, თვითმკვლელობის მცდელობის მიზეზი სავარაუდოდ, ოჯახში ძალადობა იყო.
შინაგან საქმეთა სამინისტროში კი აცხადებენ, რომ მომხდარზე გამოძიება თვითმკვლელობამდე მიყვანის მუხლით დაიწყო, თუმცა ქალზე ძალადობის ფაქტი არ დასტურდება
„გამოძიება სისხლის სამართლის კოდექსის 115-ე მუხლით მიმდინარეობს. არ დასტურდება ძალადობის ფაქტი, თუმცა გამოძიების ფარგლებში სამართალდამცავები ყველა მიმართულებით ჩაატარებენ მუშაობას“, – უთხრეს „ლაივპრესს“ შინაგან საქმეთა სამინისტროში.
დაზარალებული ზუგდიდის რეფერალურ საავადმყოფოშია მოთავსებული. საავადმყოფოში აცხადებენ, რომ პაციენტის მდგომარეობას ეცნობიან.
ქალმა, რომელმაც თვითმკვლელობა სცადა, სამი შვილის დედაა.
ლაივპრესი