ყანდაურაში მკვლელობის საქმეზე 85 წლის ომარ გამყრელიძის შვილიშვილი დააკავეს

პოლიციამ საგარეჯოს მუნიციპალიტეტის სოფელ ყანდაურაში ოთხი ადამიანის მკვლელობის საქმეზე ბრალდებულის ომარ გამყრელიძის შვილიშვილი დააკავა. ეს ინფორმაცია imedinews-ს შსს-ში დაუდასტურეს.

როგორც უწყებაში განმარტავენ, გამოძიება დაკავებულს ცეცხლსასროლი იარაღისა და საბრძოლო მასალის შენახვა-ტარებას ედავება, საქმეზე გამოძიება კი სისხლის სამართლის კოდექსის 236-ე მუხლით მიმდინარეობს.

ცოტა ხნის წინ გახმაურებული მკვლელობის საქმეზე ახალი დეტალები გახდა ცნობილი. როგორც imedinews-ს შინაგან საქმეთა სამინისტროში განუცხადეს, გამოძიების მსვლელობისას, სასამართლო-სამედიცინო ექსპერტიზის პირველადი ინფორმაციით დადგინდა, რომ ადგილზე სროლა ორი სხვადასხვა იარაღით განხორციელდა. შემთხვევის ადგილიდან კი ამ ეტაპზე მხოლოდ ერთ-ერთია მოღებულია.

3 მაისს 85 წლის კაცმა სოფელ ყანდაურაში შვილი, რძალი და ორი მეზობელი მოკლა, 71 წლის ცოლი კი დაჭრა, რომელიც 7 მაისს საავადმყოში გარდაიცვალა. საქმეზე გამოძიება ოჯახური ძალადობის ნიადაგზე დამამძიმებელ გარემოებებში ჩადენილი განზრახ მკვლელობის მუხლით აღიძრა. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

5 მაისს ომარ გამყრელიძეს აღკვეთი ღონისძიების სახით პატიმრობა შეუფარდა.

ყანდაურის მკვლელობაში 85 წლის ომარ გამყრელიძის მეორე ვაჟიც მონაწილეობდა? – გამოძიების ახალი ვერსია

დატოვეთ თქვენი კომენტარი