რუსთავში, XII მიკრორაიონში, მამაკაცი გარდაცვლილი ნახეს.
“ინფო რუსთავი”-ს ინფორმაციით 62 წლის მამაკაცი ცეკვის სტუდიის შენობასთან, ღია ცის ქვეშ ცხოვრობდა. დღეს დილით მამაკაცი მისმა მეგობრებმა გარდაცვლილი ნახეს, ინფორმაცია კი პოლიციას მიაწოდეს.
ადგილზე მობილიზებული იყო კრიმინალური პოლიციისა და სასწრაფო დახმარების ეკიპაჟები.
მომხდარზე გამოძიება სსკ 115 მუხლით დაიწყო.