ორშაბათს სტარტს აიღებს ყველაზე პრესტიჟული დიდი სლემის ტურნირი უიმბლდონი და ნიკოლოზ ბასილაშვილის პირველი მეტოქე უკვე ცნობილია. ბასილაშვილი პირველ მატჩში ბრიტანელ ჯეიმს ვორდს დაუპირისპირდება, რომელიც მსოფლიო რეიტინგში 205-ე პოზიციას იკავებს. სავარაუდოდ ნიკას გამარჯვება არ უნდა გაუჭირდეს, თუმცა უიმბლდონზე ყველაფერი ხდება.
ამჟამად ბასილაშვილი მსოფლიოს მე-16 ჩოგანია და ის საქართველოს ისტორიაში ყველაზე წარმატებული ჩოგბურთელია. თუმცა ისიც უნდა აღვნიშნოთ რომ ბოლო პერიოდში ბასილაშვილი არცთუ დამაჯერებლად გამოიყურება და მან ზედიზედ 4 მატჩი წააგო.