„ევროპული საქართველოს” წევრის ირმა ნადირაშვილის შეფასებით “ეს არჩევნები იყო კრიმინალის და ხელისუფლების შერწყმა და ამის საშუალებით არჩევნების ჩატარება”.
ოპოზიციონერმა არჩევნების დღეს “მძიმე” უწოდა.
„დღეს „ქართულმა ოცნებამ” კიდევ ერთხელ აჩვენა, რომ მას არჩევნების ბედის გადაწყვეტა უნდა არა საარჩევნო უბანზე, არამედ კრიმინალების მობილიზებით, შანტაჟით, მოსყიდვით. ეს არის „ქართული ოცნების” სტილი. იმედი მაქვს, მთაწმინდის ამომრჩეველი არ დაემორჩილა ამ ზეწოლას და ყველა ადამიანს, როცა ისინი დარჩნენ საარჩევნო ყუთებთან, ჰქონდა საშუალება, რომ თავისი არჩევანი გაეკეთებინათ საკუთარი სინდისის კარნახის მიხედვით. ეს არჩევანი იყო ძალიან მარტივი უსამართლობასა და სამართლიანობას შორის. ყველა ჩვენს წარმომადგენელს, დამკვირვებელს, კომისიის წევრებს მოვუწოდებ, რომ მაქსიმალურად მიაქციონ ყურადღება, სამართლიანად მოხდეს ხმების დათვლა, არ მოხდეს ბიულეტენების გაბათილება მოგონილი მიზეზების საშუალებით. დაველოდებით ინფორმაციას უბნებიდან, დაახლოებით ორ-სამ საათში პირველადი სურათი გვექნება”,- თქვა ნადირაშვილმა.