პაკისტანში საცდელი ფრენისას სამხედრო თვითმფრინავი შენობას შეეჯახა, რის შედეგადაც ეკიპაჟის ხუთივე წევრი და 12 მშვიდობიანი მოქალაქე დაიღუპა, – ამის შესახებ ინფორმაციას „როიტერსი“ ავრცელებს.
შემთხვევა საგარნიზონო ქალაქ რავალპინდიში მოხდა.
„შენობა, რომელსაც თვითმფრინავი შეეჯახა, სრულად განადგურდა“, – განაცხადა ოფიციალურმა სამხედრო პირმა შემთხვევის ადგილზე.
ქალაქი რავალპინდი დედაქალაქ ისლამაბადთან ახლოს მდებარეობს, სადაც პაკისტანის არმიის შტაბია განთავსებული.
იპნ