თელავის მუნიციპალიტეტის სოფელ ყარაჯალაში საცხოვრებელი სახლში ხანძრის ქრობის დროს მეხანძრე-მაშველი გელა მიქელაძე დაიღუპა.
ის სიმაღლიდან ჩამოვარდა და დაზიანებები თავის არეში მიიღო.
მეხანძრე სასწრაფო-სამედიცინო დახმარების ბრიგადამ თელავის რეფერალურ საავადმყოფოში გადაიყვანა, მაგრამ ექიმების თქმით, ის უკვე გარდაცვლილი იყო.
იგი სახანძრო სამსახურში 20 წელზე მეტ ხანს მუშაობდა.
ხანძარი 5-ოთახიან სახლში გაჩნდა. როგორც “რუსთავი 2”-ს საგანგებო სიტუაციების მართვის სამსახურში განუცხადეს, ხანძრის ჩაქრობას 3 სახანძრო მანქანა ცდილობს.
ხანძრის გამომწვევი მიზეზი ჯერჯერობით უცნობია. ადგილზე პოლიცია და ექსპერტები იმყოფებიან.
ამ წუთისათვის, ხანძრის შედეგად დაშავებულების შესახებ ინფორმაცია არ ვრცელდება.
რუსთავი 2